Misioni paqeruajtës i NATO-s në Kosovë, KFOR, ka njoftuar të mërkurën se i janë bashkuar edhe 20 ushtarë amerikanë.
Ambasada e Shteteve të Bashkuara të Amerikës në Kosovë ka publikuar njoftimin e Grupit të Mbështetjes Rajonale 734, ku u tha se ata do të ofrojnë mbështetje për forcat e SHBA-s dhe NATO-s gjatë operacioneve paqeruajtëse në vend.
“Familja dhe miqtë së bashku me liderët vendorë dhe shtetërorë u mblodhën gjatë ditës së sotme për t’i përcjellë rreth 20 ushtarë nga Kompania e Policisë Ushtarake 186, të cilët po vendosen në Kosovë. Ata do të ofrojnë mbështetje për ligjin dhe rendin për forcat e SHBA-së dhe NATO-s gjatë operacioneve të vazhdueshme paqeruajtëse ndërkombëtare”, thuhet në njoftim.