Një rast tragjik ka ndodhur të dielën pas mesnate në Prizren. Një person dyshohet se ia vuri flakën vetes brenda një veture.
Policia njofton se viktima është djegur plotësisht, ndërsa mbetjet janë dërguar në Institutin e Mjekësisë Ligjore në Prishtinë për ekzaminim.
Njoftimi zyrtar:
Vdekje e dyshimtë në Prizren
Prizren, 25 dhjetor 2023
Me datën 25.12.2023 rreth orës 01:20 nëpërmes telefonit policia është njoftuar se në rrugën “Kastriotët “ në afërsi të rrugës “Transiti i ri “në Prizren është duke u djegur një veturë.
Patrullat Policore kanë shkuar në vendngjarje dhe nga nga informatat e para nga aty kanë kuptuar se një person gjendet në veteurë e cila tanimë ishte e djegur plotësisht bashkë me viktimën.
Vetura e djegur është golf 2, ndërsa viktima dyshohet të jetë Sh. K. I lindur në vitin 1968 nga fshati Jeshkovë, Prizren.
Në vendngjarje kanë dalë të gjitha njësitë përgjegjëse për rastin si dhe prokurori kujdestar.
Nga hetimet e para dyshohet se viktima ka bërë vetëvrasje.
Me urdhër të prokurorit rasti cilësohet “Vdekje e dyshimtë “ dhe mbetjet nga trupi i pa jetë dërgohen në Institutin e Mjekësisë Ligjore në Prishtinë për ekzaminim.
/TV Arbëria
