Çmimet e naftës u rritën të hënën për shkak të sulmeve të anijeve detare dhe tregtare në Detin e Kuq që ngritën frikën për ndërprerje të mundshme në rrugët e furnizimit me naftë, si dhe mundësinë më të madhe që Rusia të reduktojë eksportet e naftës më herët se sa ishte planifikuar.
Nafta e papërpunuar standarde ndërkombëtare Brent u tregtua me 77,31 dollarë për fuçi në orën 10:09 të mëngjesit me orën lokale, një rritje prej 0,99% nga çmimi i mbylljes prej 76,55 dollarë për fuçi në seancën e mëparshme tregtare të premten.
Standardi amerikan, West Texas Intermediate (WTI), tregtohej në të njëjtën kohë me 72,50 dollarë për fuçi, 1% më shumë nga mbyllja e së premtes prej 71,78 dollarë për fuçi.
Rritjet e çmimeve u ndihmuan edhe pasi zëvendëskryeministri rus Alexander Novak tha të dielën se vendi i tij mund të rrisë reduktimet e eksportit të naftës me një shtesë prej 50,000 fuçi në ditë ose më shumë në dhjetor të vitit 2023, krahas shkurtimeve aktuale prej 300,000 fuçi në ditë (bpd)./AA
/TV Arbëria