Kryetari i Gjilanit, Alban Hyseni përmes një postimi në Facebook ka bërë të ditur se kanë siguruar transportin për qytetarët e kësaj komune që kanë të drejtë vote në zgjedhjet e jashtëzakonshme parlamentare të 17 dhjetorit në Serbi.
Ai gjithashtu bën thirrje që të mobilizohemi për të vazhduar betejën për të vërtetën e shqiptarëve të Luginës së Preshevës.
“Ju njoftojmë se komuna e Gjilanit ka siguruar transportin për të gjithë ju që jetoni e veproni në Gjilan, për në zgjedhjet e jashtëzakonshme parlamentare të 17 dhjetorit në Serbi”, ka shkruar ai.
Më tej, kryetari i Gjilanit ka thënë se për informata shtesë, qytetarët duhet të drejtohen tek Zyra për Preshevë, Medvegjë dhe Bujanoc në kuadër të komunës së Gjilanit.
Zgjedhjet e jashtëzakonshme parlamentare në Serbi do të mbahen më 17 dhjetor.
/TV Arbëria