Zyrtari i Partisë Demokratike të Kosovës, Arben Mustafa përmes një postimi në Facebook ka reaguar rreth dëmeve që i janë shkaktuar një biznesi në Kosovë nga ndërprerja e energjisë elektrike.
Postimi i plotë i tij:
“Këto janë dëmet që i janë shkaktuar një biznesi prodhues në Kosovë nga ndërprerja pa paralajmërim e energjisë elektrike për vetëm 2 minuta.
Ndërprerjet e tilla janë shumë të shpeshta dhe po i shkaktojnë dëme të mëdha financiare bizneseve.
Nuk mund të flasim për ambient të favorshëm për zhvillimin e biznesit kur ende nuk po arrijmë që të kemi të paktën furnizim stabil me energji elektrike”, ka shkruar Mustafa në Facebook.
/TV Arbëria