Lidhja Demokratike e Kosovës, sot ka bërë disa ndryshime brenda grupit partiak. Asaj i është ndërruar pozita e degës së kryesisë.
Me propozimin e kryetarit të kësaj partie, Lumir Abdixhikut, është emëruar nënkryetare Hykmete Bajrami.
Bajrami është shprehur e bindur se do të mbaj me përgjegjësi të madhe postin e mbajtur ndër vite figura historike.
Postimi i plotë:
Ne jemi Lidhja Demokratike e Kosovës
Me propozim të kryetarit të LDK-së, Lumir Abdixhiku, sot jam votuar nga anëtarët e Këshillit të Përgjithshëm, për Nënkryetare të Lidhjes Demokratike të Kosovës, partisë së themeluar dhe drejtuar në kohë të rënda e të vështira nga Ibrahim Rugova me njerëzit më të mirë të këtij vendi.
Funksionin e Nënkryetares së LDK-së e konsideroj përgjegjësi për shkak se në Lidhjen Demokratike të Kosovës këtë pozitë e kanë mbajtur njerëzit që kanë bërë histori si Fehmi Agani, Nekibe Kelmendi e Sabri Hamiti si dhe plot gra e burra tjerë që kanë lënë gjurmë në themelet e Republikës së Kosovës.
Do të punoj, sikurse deri më sot, edhe sot e tutje me nder e përgjegjësi për të mirën e përbashkët, për Republikën e Kosovës, për të sotmen dhe të ardhmen e gjithë qytetarëve të Republikës.
Lidhja Demokratike e themeluar në kohë të rënda për Kosovën është vula e të gjitha proceseve – Lirisë, Pavarësisë dhe Demokracisë – për më shumë se tri dekada.
Prandaj, rruga e nisur nga Ibrahim Rugova e Fehmi Agani, të pasuar nga Nekibe Kelmendi dhe nga gratë e burrat më të mirë të këtij vendi do të vazhdojë me “Rrugën e Re”, me rrugën që sot i duhet Republikës së Kosovës.
“Rruga e Re” e LDK-së është rruga e qytetarëve të Kosovës, është rruga e Republikës së Kosovës. Është rruga që do ta ndalë degradimin, keqqeverisjen dhe kthen Kosovën drejt zhvillimit, drejt integrimeve, drejt miqësisë së përhershme me miqtë më të mirë të Kosovës siç janë Shtetet e Bashkuara të Amerikës, vendet e BE-së dhe bota demokratike.
Zoti e bekoftë Kosovën, Zoti e bekoftë Lidhjen Demokratike të Kosovës!
/TV Arbëria