Policia e Kosovës ka dalë me një njoftim të ri rreth kërcënimit të sotëm përmes telefonit, ku u alarmua rrejshëm se ishte vendosur një bombë në Kuvendin e Kosovës.
Policia ka deklaruar se sipas hetimeve të kryera, dyshohet se numri i telefonit është nga Serbia.
“Bazuar në hetimet e deritanishme, dyshohet se kërcënimet kanë ardhur përmes një numri të telefonit i cili dyshohet se është nga Serbia.”, thuhet në njoftimin e policisë.
Tutje PK njofton se në bashkëpunim me prokurorinë kompetente do të vazhdojë hetimet e mëtejme, duke marrur të gjitha masat hetimore, përfshirë edhe komunikimet me partnerë ndërkombëtar të sigurisë, për të lokalizuar mjetet, rrjetet e komunikimit që janë përdoruar në këtë kërcënim.