Artan Behrami, deputet i PDK-së thotë se Kosova ka nevojë urgjente për krijimin e Agjencisë për Mbrojtjen e Kushtetutës.
Sipas tij, vendi si kurrë më parë ka nevojë për krijimin e një institucioni që mbron Kushtetutën nga grupe që nuk e pranojnë rendin kushtetues, por edhe nga individë që shkelin vendimet e Gjykatës Kushtetuese.
“Një zyrë që merret me mbrojtjen e rendit kushtetues dhe demokratik, që bashkëpunon me të gjitha strukturat e drejtësisë, sigurisë dhe mbrojtjes në Kosovë.
Një zyrë që ka mandat për të monitoruar qoftë parti politike, qoftë individë ose grupe radikale që nuk e njohin ose e sfidojnë rendin kushtetues të Republikës së Kosovës”, ka shkruar ndër të tjerash Behrami në Facebook.