”Veç rri, veç rri. Edhe unë i dëgjoj, sikur ti që i dëgjon”.
Kjo pëshpëritje ishte përgjigja që kryesuesi i seancës së sotme, Avni Dehari, i dha deputetes më të re nga radhët e PDK-së, Sala Jasharit, e cila pati një lutje të përfillej kërkesa e subjektit të saj për një pauzë 10-minutëshe.
”Kryesues”, ishte thirrja e saj drejt tij, por e cila nuk u mor për bazë fare nga përfaqësuesi i Vetëvendosjes, duke refuzuar prerë këtë kërkesë të deputetit Abelard Tahiri, ku po tentonin të konsultoheshin me përfaqësuesit për votimin ose jo të Dimal Bashës, i propozuar për kryeparlamentar.
Si pasojë, konsultime nuk pati.