Sot shënohet 25-vjetori i sulmit të dytë të Serbisë mbi familjen Jashari në Prekaz, në të cilin triumfuan familja Jashari.
Këtë ditë e kanë përkujtuar pjesëtarët e OVL-UÇK-së, të cilët edhe kanë bërë homazhe në Kompleksin Memorial “Adem Jashari” në Prekaz.
Ushtruesi i detyrës së kryetarit të Organizatës së Veteranëve të Luftës së UÇK-së, Faton Klinaku, ka ndarë disa pamje nga vizita e tyre në Prekaz, në rrjetin social Facebook.
Postimi i plotë i tij:
Në shënim të 25 vjetorit të triumfit të dytë të familjes Jashari, bëmë homazhe në Kompleksin Memorial “Adem Jashari” në Prekaz.
25 vite më parë, në mëngjesin e 22 janarit 1998, pushtuesi serb tentoi që të arrestojë në mënyrë tinëzare Adem Jasharin dhe të tjerët, por janë zbrapsur.
Duke parë se këtu ka rezistencë, është dashur që aty të vijnë me forca më të shtuara me 5,6,7 mars, duke sulmuar me tankse e artileri familjen Jashari, por edhe rezistenca e kësaj familje ka treguar se ky vend nuk mund të pushtohet lehtë.
Lavdi Komandantit Legjendar Adem Jashari, lavdi gjithë të rënëve për Liri!
/TV Arbëria
