Fjalët përfundimtare ndaj të akuzuarve për vrasjen e Liridona Ademajt, Naim Murselit, Granit Plavës dhe Kushtrim Kokallës, do të jepen më 17 prill.
Kështu ka marr vesh gazetarja e Klan Kosovës, Qëndresa Tërshani, e cila e ka siguruar edhe dokumentin e gjykatës.
Ndryshe, seanca e sotme po mbahet me dyer të mbyllura, pasi do të trajtohet jeta private e çiftit.
Ndërkaq, Kushtrim Kokalla ka ndarë detaje tronditëse nga nata kritike, ku mbeti e vrarë Liridona.
Derisa të enjten, Naim Murseli para gjykatës ka vazhduar të mbrojë versionin e tij se ngjarja ishte një grabitje që kishte për synim vetëm paratë dhe telefonat, pavarësisht përballjes me prova nga kryetarja e trupit gjykues, Fatime Dermaku, të cilat hedhin dyshime mbi këtë pretendim.
Ndërkaq, i akuzuari tjetër në këtë rast, Granit Plava, ka ndryshuar deklaratën e tij gjatë seancës së djeshme gjyqësore, duke thënë se vrasja është kryer në bashkëpunim me Naim Murselin.
Liridona Ademaj u vra më 29 nëntor të vitit 2023 në ora 20:25 në rrugën “Dalip Alshiqi” në fshatin Bërnicë të Prishtinës.