Pas ndarjes së një subvencioni prej 100 mijë eurosh për vëllanë e deputetes së Vetëvendosjes, Fitore Pacollit, nga Ministri i Bujqësisë, Faton Peci, anëtari i Aleancës për Ardhmërinë e Kosovës, Daut Haradinaj, ka kërkuar hetime nga hetuesia dhe prokuroria.
Në lidhje me Kryeministrin e Kosovës, Albin Kurti, në krejt këtë tregim, Haradinaj tha se ai “nuk guxon të veprojë sepse është vetë i përfshirë”.
Postimi i Haradinajt:
Edhe sa shifra qindmijëshe e milionëshe duhet të keqpërdoren nga kjo qeveri për të vepruar Hetuesia dhe Prokuroria. Sa për kryeministrin dihet që nuk guxon të veprojë, sepse është vetë i involvuar.